Чести проблеми

„Сертификатот е заклучен“ или „не е отклучен“

PIN-от не се памети. Апликацијата го бара при стартување и пред праќање. Ако сте избрале Подоцна, кликнете Сертификат долу лево во менито, внесете го PIN-от и притиснете Отклучи.

„Не е избран сертификат“

Во Поставки изберете Извор, изберете го сертификатот и притиснете Зачувај поставки. Види Сертификат и отклучување.

Токенот не се гледа

• Проверете дали токенот е приклучен.
• Проверете ја патеката во Модул. Мора да покажува на PKCS#11 библиотеката на вашиот токен. Ако библиотеката не постои, инсталирајте го OpenSC или драјверот од производителот.
• Грешките што ги враќа токенот се прикажуваат во порака по Пребарај сертификати.

Сертификатот не важи

По отклучувањето, ако во Валиден пишува „НЕ“, сертификатот истекол или уште не важи. Обновете го кај издавачот.

УЈП не го препознава сертификатот

УЈП го споредува серискиот број на сертификатот со тој што е регистриран кај него. Пробајте друг Формат на сериски број (HEX, hex или децимален). Ако не помогне, внесете го серискиот број точно како што е кај УЈП во Рачен сериски број. По секоја промена, притиснете Зачувај поставки и отклучете повторно.

Часовникот не се совпаѓа

Долу лево пишува колку секунди вашиот часовник отстапува од часовникот на УЈП. Апликацијата ја зема предвид разликата при праќање. Ако разликата е голема, вклучете автоматско време на компјутерот.

Грешки при валидација

Види го списокот во Издавање нов документ. Најчесто недостасува број, опис на ставка или даночен индикатор, или не е притиснато Пресметај.

УЈП го одбива продавачот или купувачот

Податоците мора да се исти како во регистарот. Притиснете Пополни од мојот ЕДБ или Пополни од регистар повторно и не ги менувајте рачно.

Изгубив документ што го пишував

Проверете во Нацрти: таму се документите зачувани со Зачувај нацрт или Прати подоцна. Ако не е таму, следниот пат зачувајте го пред да го напуштите екранот. Испратените документи не се губат: секогаш се во Излезни.