Прво поставување

Додека не внесете ЕДБ, апликацијата се отвора на екранот Поставки. Откако ќе го зачувате, се отвора на Излезни.

Обврзник и околина

1. Во Околина изберете Тест додека ја пробувате апликацијата. Документите пратени на тест-околината немаат правно дејство. Додека е избрана тест околината, над содржината стои сина кутија што потсетува на тоа; исчезнува кога ќе се префрлите на продукција.
2. Во ЕДБ внесете го ЕДБ-то на фирмата што издава фактури (13 цифри).
3. Во еУЈП ID внесете го идентификаторот што го имате во системот е-Фактура на УЈП.
4. Формат на сериски број и Рачен сериски број оставете ги празни или како што се. Ви требаат само ако УЈП не го препознава сертификатот (види Чести проблеми).

Продукција е предвидена за вистински фактури, но адресите на УЈП за продукција уште не се проверени. Користете ја кога ќе ви потврдиме.

Сертификат

5. Во Сертификат за потпишување изберете од каде се чита сертификатот: датотека, USB токен или macOS Keychain. Деталите се во Сертификат и отклучување.
6. Притиснете Зачувај поставки.

Отклучување

7. Кликнете Сертификат долу лево во менито. Во прозорецот што ќе се отвори внесете PIN или лозинка и притиснете Отклучи.
8. Притиснете Тест потпис. Ако пише дека потписот е валиден, сè е подготвено.

Горе, до логото, секогаш гледате во која околина работите. Долу лево, под менито, гледате кое ЕДБ е поставено, дали сертификатот е отклучен и колкава е разликата меѓу вашиот часовник и часовникот на УЈП.

Јазик

Јазикот се менува од изборникот под името на апликацијата: македонски, англиски, албански, српски или турски. Промената важи веднаш, без рестарт. Податоците што ги враќа УЈП, како имиња на статуси и ставки од шифрарниците, остануваат онакви какви што се кај УЈП.

Каде се чуваат поставките и документите

Сè е во една локална SQLite база: на Windows %APPDATA%\mk.rid.efakt\efakt.db, на macOS ~/Library/Application Support/mk.rid.efakt/efakt.db, на Linux ~/.config/mk.rid.efakt/efakt.db. Таму се компаниите и нивните поставки, и секој документ што апликацијата го прочитала од УЈП или го пратила до УЈП: статуси, содржина, PDF, историја, прифаќања и одбивања. Кога УЈП не одговара, апликацијата ги прикажува локално зачуваните документи. Ја користи и CLI-то. PIN-от и лозинката не се зачувуваат никаде.