Сертификат и отклучување

Секој документ до УЈП се потпишува на вашиот компјутер, со вашиот квалификуван сертификат. Приватниот клуч не ја напушта датотеката, токенот или Keychain.

Избор на извор

Во Поставки, дел Сертификат за потпишување, има три картички, по една за секој извор. Кликнете на онаа каде што е вашиот сертификат.

Датотека .p12 / .pfx

1. Притиснете Избери… и најдете ја датотеката.
2. Притиснете Зачувај поставки.

USB токен / смарт-картичка (PKCS#11)

1. Приклучете го токенот.
2. Во Модул внесете ја патеката до PKCS#11 библиотеката на токенот. За OpenSC на Mac тоа е обично /opt/homebrew/lib/opensc-pkcs11.so, на Linux /usr/lib/opensc-pkcs11.so, на Windows C:\Windows\System32\opensc-pkcs11.dll. За други токени, патеката ја дава производителот.
3. Притиснете Пребарај сертификати. Се појавува табела со сертификатите на токенот.
4. Кликнете на редот со вашиот сертификат. Под табелата пишува кој слот и клуч се избрани.
5. Притиснете Зачувај поставки.

macOS Keychain

1. Притиснете Пребарај сертификати.
2. Кликнете на вашиот сертификат. Под табелата се појавува неговиот SHA-256 отпечаток.
3. Притиснете Зачувај поставки.

Изборот од табелата не се памети додека не притиснете Зачувај поставки.

Отклучи и Заклучи

Отклучи го отвора сертификатот со PIN-от или лозинката. PIN-от стои само во меморијата додека апликацијата е отворена, па по секое ново отворање треба повторно да отклучите.

Апликацијата сама прашува за PIN: при стартување, ако е избран сертификат, и кога нешто бара потпис (праќање, листите од УЈП), а сертификатот е заклучен. Со Подоцна продолжувате без отклучување. Прозорецот го отворате и сами со клик на Сертификат долу лево во менито, или со Отклучи… во Поставки → Состојба на сертификатот. Кај macOS Keychain нема PIN; macOS може да побара дозвола.

По отклучувањето, во Поставки → Состојба на сертификатот гледате субјект, издавач, рок на важење, дали сертификатот важи денес, големина на RSA клучот и ЕДБ запишано во сертификатот, ако го има.

Заклучи (во истиот прозорец или во Поставки) го брише отклучениот сертификат од меморијата. Користете го кога го оставате компјутерот.

Тест потпис и часовник на УЈП

Тест потпис потпишува пробна порака и веднаш го проверува потписот. Ништо не се праќа до УЈП.

Часовник на УЈП стои постојано во дното на левото мени. Таму се гледа точното време на УЈП, по скопско време, и отчукува секоја секунда, на пример Време 14:03:22 +142s. Бројот на крајот е разликата со вашиот компјутер; ако разлика нема, не се прикажува. Апликацијата на секои 30 секунди ја проверува разликата со УЈП, а копчето десно ја проверува веднаш. Пред секое потпишување, ако последната проверка е постара од 30 секунди, разликата се проверува уште еднаш, па во барањето секогаш оди времето на УЈП. „Денес“ и „последни N дена“ во полињата за датум исто така се сметаат по времето на УЈП и по скопско време, не по часовникот и зоната на компјутерот. Ако времето и разликата се портокалови, разликата е 5 минути или повеќе; ако наместо време стои цртичка, УЈП не одговара. Тогаш наместете го часовникот на компјутерот или проверете ја врската.

Што работи без сертификат

Даночни обврзници, Шифрарници и курсната листа работат и кога сертификатот е заклучен. За листите на документи, промените на статус и праќањето, сертификатот мора да е отклучен.